Wednesday, December 23, 2009

ඇයි මම......

3 නෙක් මොනවදෝ කියලා ගිහින්

Arthur Robert Ashe.....

ඇමරිකානු විවෘත ටෙනිස් සූරතාවය දිනූ පළමු කළු ජාතිකයා.....

ඒවගේම 1975 දී විම්බල්ඩන් සූරතාවයද දිනා ඇති මේ මිනිසා 1983 දී ඒඩ්ස් රෝගයට ගොදුරු වෙනවා ශල්‍යකර්මයක් අතරතුරදී....

මොහු මිය යනවා 1993 පෙබරවාරි 6 වනදා......

ඔහු රෝගයෙන් පීඩා විඳිමින් සිටිනා අතරතුර ඔහුගේ ක්‍රීඩාලෝලියෙක් ලිපියකින් අසනවා මෙවැන්නක්...

"ඇයි දෙවියන් වහන්සේ ඔබව තෝරාගත්තේ මේ දෙයට....."

ආතර් පිළිතුරු ලිපියක් යවනවා මේ ලෙසට....

"මුළු ලෝකෙන්ම මිලියන 50ක් පමණ දෙනා ටෙනිස් ක්‍රීඩාවට යොමුවෙනවා ළමා වියේදීම.
එයින් ලක්ෂ 50ක් පමණ පිරිසක් නිවැරදි ලෙස ක්‍රිඩා කරන්න ඉගනගන්නවා.
එම පිරිසෙනුත් ලක්ෂ 5ක් පමණ දෙනා වෘත්තීය ටෙනිස් ක්‍රීඩකයන් බවට පත්වෙනවා.
එයින් 50,000ක් පමණ පිරිසක් ප්‍රධාන තරඟමාලාවන් සඳහා සහභාගිවෙනවා.
5,000ක් පමණ ග්‍රෑන්ඩ්ස්ලෑම් දක්වා පැමිණෙනවා.
එයින් 50ක් විම්බල්ඩන් තරඟවලට ක්‍රීඩා කරන අතර 4 දෙනෙක් අර්ධ අවසන් වටයට තේරෙනවා.
දෙදෙනෙක් අවසන් තරඟයට මුහුණදී එයින් එක්කෙනෙක් පමණයි ජයගන්නේ.
ඒකෙනා තමයි මම.....

ඉතිං සූරතාවය මම ලබාගත්තා.....

මම කවදාවත් ඇහැව්වේ නෑ දෙවියන් වහන්සේගෙන්,

ඇයි මම කියලා....."

මෙතනින් ඔහු ගැන විස්තර දැනගන්න පුලුවන්....

(මේක මට ඊමේල් එකකින් ලැබුනක්.....)

Friday, November 6, 2009

නොමිලේ,හොඳම එක......

4 නෙක් මොනවදෝ කියලා ගිහින්

නිදහස් මෘදුකාංග අතරින් ඔබට හොඳම මොනවද? නිදහස් මෘදුකාංග වලින් හොඳම ඒවා විදියට CNET විසින් ප්‍රකාශ කරන පළමු මෘදුකාංග 5 තමයි මේ.

5. GIMP

මේ ගැන CNET එකේ වීඩියෝවක් තියනවා. ඒක මෙතනින් බලන්න.....

මම නම් මේවායින් පාවිච්චි කරන්නේ VLC Media Player විතරයි.

Wednesday, October 7, 2009

දිනේ ලංකා......

3 නෙක් මොනවදෝ කියලා ගිහින්


අපේ රට ගෙනියමු ලෝකෙටම....කැමතිද ? මම හිතන්නෙ නෑ කවුරුත් අකමැති ඇති කියලා...
මේ ආරංචිය මම දැක්කේ මෙතනින්....

වැඩි විස්තර මම මෙතන කියන්නෙ නෑ. මෙතනින් ගිහින් ඕගොල්ලොම බලලා තීරණයක් ගන්න.

ලංකාවට ජය..........

පොඩි ඉඟියක් මේකෙන් බලාගන්න....



Thursday, September 24, 2009

නුඹේ උණුහුම......

2 නෙක් මොනවදෝ කියලා ගිහින්








මතකද නුඹට
අපේ හදවත් 
අපේ සිතුවිලි
අපේ දෙතොල් 
එකට යා වුන මොහොත....
මට දැනුන උණුහුම 
නුඹටද දැනුන වග 
හැඟුනා නුඹේ 
දෙනෙතින් වැටුන 
කඳුලු බිඳු දැක....
පැවසුවේ නුඹ 
බියවුන බව 
නුපුරුදු නිසාවෙන් 
ඒ උණුහුම....
මගේ නහර දිගේ නම් 
සැරිසරනවා ඒ උණුහුම තවම....
*
*
*
නුඹේ....?

Tuesday, September 8, 2009

අතීතය......

4 නෙක් මොනවදෝ කියලා ගිහින්



අත්වැල් අල්ලාගෙන
අරුත් නැති
පලක් නැති
කතා ගොඩාක් කියාගෙන
ඇවිද ගියා අපිත් (මමත්)
නුඹලා වගේම....

කාටත් නොපෙනෙන
කවුරුත් නො එන
අඳුරු මුල්ලකට වී
වින්ඳා පෙම්සුව අපිත් (මමත්)
නුඹලා වගේම....

කය තිබුණට මේ පොළවේ
හිත් බොහෝ දුර ගිහින්
හීන ගොඩාක් පුරෝගෙන
ඉදිනොවෙනා බව නොදැන
අහස් මාලිගා තැනුවා අපිත් (මමත්)
නුඹලා වගේම....

කඳුලු බිඳුවක්වත් නැති
සතුටම පමණක් ඇති
පුංචි කැදැල්ලක් තනන්නට
සිහින මැව්වා අපිත් (මමත්)
නුඹලා වගේම....

(ඉවර නෑ වගේ හිතෙනවනම් ඉතුරු ටික ඔබට බාරයි....)

Friday, August 28, 2009

ලොකු රණ්ඩුවක්......

5 නෙක් මොනවදෝ කියලා ගිහින්


ම්ම්........
මෙයා මොකද මේ පැත්තේ කැරකෙන්නේ....


හිතුවා හරි,
මගේ කෑම ටිකට වැඩේ දෙන්න තමයි ඇවිල්ලා ඉන්නේ.


මේ හලෝ,මොකද ඔය කරන්නේ......
කාගෙන් අහලද මෙතෙන්ට ආවේ...


ඇහුනේ නැද්ද මම කියපු දේ.
මේ යනවා යන්න මෙතනින්......


"ඌයි.....මොකද හලෝ කරන්නේ...."


කව්ද මෙතනට එන්න කිව්වේ....

"කවුරුත් කිව්වේ නෑ...."


එහෙනම් මගේ කෑම ටික කන්න ආවේ මොකද.....
මේ තියෙන්නෙ මගේ කොටස.....

"ඔයාට වගේම මටත් බඩිගිනියි....
ඇයි අපිට බැරිද මේ ටික බෙදාගෙන කන්න...."


හරි...හරි...
තමුසෙත් ඕකෙන් ටිකක් කලා මටත් ටිකක් ඉතුරු කරලා යනවා.....

මගේ පැටව් දෙන්නට ගෙනියන්නත් ටිකක් ඉතුරු කරනවා,
හොඳද.......




Thursday, August 27, 2009

වෙළඳ දැන්වීමක්......

3 නෙක් මොනවදෝ කියලා ගිහින්

ඔන්න පොඩි මාධ්‍ය ප්‍රචාරයක් දෙන්න යන්නේ..........

මේක ලියන්නද එපාද කියලා හිත හිත හිටියේ.
අන්තිමේ හිතුනා කවුරුත් ලස්සන තැන් දකින්න,බලන්න ආසයිනේ.ඉතින් මම දැකපු ලස්සන තැනක් ගැන අනෙක් අයටත් කිව්වට කමක් නෑ කියලා හිතුනා......

මම ඊයේ මංගල උත්සවයකට ගියා.මගේ යාලුවෙකුගේ.ඒක තිබුනේ ලස්සන තැනක කියලයි මටනම් හිතෙන්නෙ.වැව් ජලය උඩින් හමාගෙන එන සීතල සුලඟ,අවට තියන නිස්කලන්ක පරිසරය ඇත්තටම මට අමුතු හැඟීමක් සිතට දැනුනා.

එකෝ විලේජ් කියලයි නම තියලා තියෙන්නේ.තැන මාතර කඹුරුපිටිය ලේනබටුව වැව අද්දර.....

උත්සව අවස්ථාවකට අපි බලාපොරොත්තුවෙන වඩා යහමින් තියෙන්න ඕන ඉඩකඩ මෙතන හොඳටම තියනවා. ඉතින් ඒවගේ තැනක අවශ්‍යතාවයක් ඇති උනොත් ගිහිල්ලා බලන්න. (දකුණු පළාතේ අයට තමයි ඒක කරන්න පුලුවන්)
හොඳ පිංතූරයක් ගන්න තරම් පහසුකම් තියන ජංගම දුරකතනයක් මා ලඟ නෑ. ඉතිං ඔය පිංතූරය දැම්මෙ දළ අදහසක් ගන්න...

ඔන්න මගේ ඇඩ් එක ඉවරයි..... පාරිභෝගිකයෝ විදියට ඔයාලා තීරණයක් ගන්න....
(මමත් ඊයේ තමයි පළමු වතාවට ගියේ.ඒකත් අමාරුවෙන් පාර හොයාගෙන....)

Tuesday, August 18, 2009

තනිකම......

1 නෙක් මොනවදෝ කියලා ගිහින්

කාටත්
කාලයකදී දැනෙන
වෙලාවකට
මහා දුකක්
හදවතට ගෙනෙන
"තනිකම....."
ඇත්තටම
තනිකම දුකක්ද?

මෙහෙම හිතුවොත්,
"තනිකම අපිට දෙවියන් දුන් තෑග්ගක්....."

මන්ද,
අපිට අපිව අඳුනාගන්න
පාර කියන තෝතැන්නක්...
විටෙක,
ගින්දර වගේ
සියලු නොවැදගත් දෑ
දවා අළුකර
අපිට වඩා වැදගත් දේ
ඉතිරි කර දෙන කාලයක්...
ඉතිං
තනිකම දුකක්ද......?

Saturday, August 15, 2009

ඒ සොඳුරු ලොවට......

4 නෙක් මොනවදෝ කියලා ගිහින්
අර දුරින් පේන
සොඳුරුයි කියා හිතෙන
ලෝකයට
යන්නයි හිතාන උන්නේ
ඔබත් එක්ක...
අනේ නුඹට
මගෙත් එක්ක යන්න
වෙහසයි කියා
නැවතුනා නේද...
ඒත්
මං දන්නවා
නුඹ
ඒ සොඳුරු ලොවට
පය තියාවි
කවුරුන් හෝ සමග
කෙදිනක හෝ...
අනේ
අහිතක් නම් නෑ
කිසිලෙසක...
ඒත්
මගේ හිතට නම්
නෑ වාරුවක්
යන්න නම්
ඒ තරම් දුර
නුඹ නැතිව.....

Wednesday, August 5, 2009

ඉන්නට ඇත්නම් නුඹේ ලඟින්......

2 නෙක් මොනවදෝ කියලා ගිහින්

අනේ මං
සිහින මැව්වේ
රැඳී සිටින්නයි සදාකල්
නුඹේම ලඟින්...
තිර නොවූ ලෝකයේ
ලෝදහමේ අණින්
වෙන්ව යන්නම්
නුඹේ ලඟින්...
පතන්නම්
ඒ සොඳුරු ඇසුර
විඳිනට මතුසසරක ආයේ
හිඳිමින්
නුඹේම ලඟින්.....

Friday, July 24, 2009

ගෙවීගිය කාලය......

1 නෙක් මොනවදෝ කියලා ගිහින්
දිනක් හෝ
නොලැබුනෝතින්
දකින්නට...
කල්පයක් සේ
දැනුන නුඹට...
කල්ප ගණනක්
ගතවූ සේ...
නොදැනුනේ
මන්ද තවම.....

Sunday, July 19, 2009

පරණ දේවල් අමතක කරන්නම බැරිනම්.....

1 නෙක් මොනවදෝ කියලා ගිහින්

දැන් ඉතිං අපි MS Office 2007 සිංහලෙන්නේ පාවිච්චි කරන්නේ.නේද? හැබැයි හදිස්සි වැඩක් කරගන්න ගියාම අමාරුවේ වැටෙන වෙලාවල් නම් ඕන තරම්.මොකද ඉංග්‍රිසියෙන් ටූල් භාවිතා කරපු අපිට ඒවට නොදන්න,අපි වැඩිය භාවිත නොකරන සිංහල වචන ආපුවාම කොහොමද ?

හෝව්... හෝව්..... දිගටම කියවන්න.

මම මේ කියන්න යන්නේ Office 2007 සිංහල උන එක ගැන නෙමෙයි. අන්තර්ජාලයේ සැරිසරනකොට දැකපු දෙයක් ගැන කියන්න.
මම MS Office 2003 ඉඳලා 2007 ට මාරු උනාම ලොකු අමාරුවක වැටුනා.ටූල් හොයාගන්න.(දැන් සිංහල කෙරුවාවෙ වගේ) ඉතිං එකටත් විසඳුම් තියනවා කියලා අද තමයි දැක්කේ.
මේකෙන් පුළුවන් අපිට Office 2003 දී දකින මෙනු එකම 2007 දීත් ඒ විදියටම දකින්න.ඒ ඔස්සේ වැඩ කරන්න. අර මුලින් කියපු අපහසුතාවය මගහරවා ගන්න.

අපි භාවිතා කරන්නේ සිංහල නම්, මූලික මෙනුව හැරෙන්න ඩ්‍රොප් ඩවුන් මෙනු සිංහල භාෂාවෙන්ම දර්ශණය වෙනවා.



තවත් සොයාගෙන යද්දී දැක්කා මේ මෘදුකාංගය පමණක් නෙමෙයි මේ සඳහා තියෙන්නේ කියලා.තව බොහෝ ආයතන මගින් මේ පහසුකම සලසා දෙනවා.හැබැයි මුදල් අයකරනවා. මෙම Ribbon Customizer නොමිලේ දෙන වැඩසටහනක්ද ( පහසුකම් අඩු ) මුදල් අයකරන වැඩසටහනක්ද ( පහසුකම් වැඩි ) ලබාදෙනවා.

වැඩි විස්තර මෙතෙන්ට ගිහින් බලන්න.
භාගත කරගන්න මෙතෙන්ට යන්න.

Saturday, July 18, 2009

මට ජීවත් වෙන්නනම්.....

5 නෙක් මොනවදෝ කියලා ගිහින්

මම
රැයක් වෙන්නම්
ඔබ
අඳුර නොමවී
සඳක් වෙන්න
මට
එළියේ නැහැවෙන්න...
මම
පිනිබිඳක් වෙන්නම්
ඔබ
හිරු කිරණ නොමවී
මලක් වෙන්න
මට
වරක් හෝ සිපගන්න...
මම
ගඟක් වෙන්නම්
ඔබ
කතර නොමවී
සයුර වෙන්න
මට
කොතැනක හෝ හමුවන්න...
මම
ඔබේම වෙන්නම්
ඔබ
අන්සතු නොමවී
මගේම වෙන්න
මට
සැබවින්ම ජීවත් වෙන්න.......

Tuesday, July 14, 2009

ආදරය හා කෝපය.....

14 නෙක් මොනවදෝ කියලා ගිහින්

පුද්ගලයෙක් තමන්ගේ අලුත්ම කාරය ඔපදමමින් හිටියා.ඔහුගේ අවුරුදු 4 වයසැති පුතා ගලකින් කාරයේ අනෙක් පැත්තේ සූරන හඬ ඔහුට ඇසුනා.ඔහුට තරහා ගියා.තම පුතාගේ අත රැගෙන අතට අසුවුන අඬුවෙන් ගහගෙන ගහගෙන ගියා.
අවසානයේ පුතා රෝහලට රැගෙන ගියා.අතේ සියලුම ඇඟිලි කැඩී තුවාලවී තිබුණා.
පුංචි පුතා වේදනාවෙන් ඔහු දෙස බලමින් මෙහෙම ඇසුවා.
"තාත්තේ මගේ ඇඟිලි ආයේ වැවෙයිද? "
පියාට මහත් වේදනාවක් දැනුන අතර ඔහු නිහඩව නිවස කරා ගියා.
කාරය ලඟට ගොස් එයට අතින් පහර දෙන්නට උනා.එවිට ඔහු කාරයේ බඳෙහි ලියා ඇති යමක් දුටුවා.
"මම ආදරෙයි තාත්තේ ඔයාට....."
ඊලඟ දවසේ ඔහු සියදිවි නසාගෙන තිබුනා.
"ආදරයට හා කෝපයට සිමාවක් නෑ"


Monday, July 13, 2009

ඩොලර් 500 දිනාගන්න, මෙන්න ආරංචියක්.....

3 නෙක් මොනවදෝ කියලා ගිහින්


ඔබත් පාවිච්චි කරනවද Sun Studio ?

මෙන්න එහෙනම් $500 දිනාගන්න අවස්ථාවක්.
කරන්න තියෙන්නෙ ඔබේ හැකියාවන් ඔබේ බ්ලොග් එකක් මගින් පෙන්වීමයි.

ජයග්‍රාහකයින් 10 ට $500 බැගින් හා හොඳම බ්ලොග් 50 ට 2GB Sun Studio මෙමරි කාඩ් එක බැගින් දිනාගත හැකියි.
තරඟය පටන් අරගෙන තියෙන්නේ.
අවසන් දිනය 2009 අගෝස්තු මස 14 වෙනිදා.
(හැබැයි කියලා තියනවා වලංඟු වන්නේ ඉංග්‍රිසි භාෂාවෙන් ලියවුන බ්ලොග් පමණයි කියලා)

වැඩි විස්තර මෙතනින් බලාගන්න

(මම නම් Sun Studio ගැන මොකුත්ම දන්නේ නෑ)

Thursday, July 9, 2009

බලා ඉන්නවා තවමත්.....

7 නෙක් මොනවදෝ කියලා ගිහින්

මේ අත මගේම නේද
අතහරින්නෙ නෑ නේද කවදාවත්...
අතහැරියෝතින්
නවතීවි හුස්ම පොද මගේ
මතකද මිමුණුවා ඔබ...
විහිලුවට ගත්තොත් මගේ අත
අමනාප වුනා මතකද
මූණ කළු කරගෙන...
අද වෙන්වෙලා නේද
මේ අතැඟිලි...
බලා ඉන්නවා තවමත්
මගේ අතැඟිලි නම්
දැවටෙන්න ඒ විලසටම...
බැරිද ආයේ එන්න
ඒ උණුසුම විඳගන්න......


Sunday, July 5, 2009

ඉංජිනේරුවෙකු වෙන්න කැමතිනම්........

11 නෙක් මොනවදෝ කියලා ගිහින්


ගිය සති අන්තයේ උසස් පෙළ කඩඉම් ළකුණු ප්‍රකාශයට පත්වුනා.විභාගය සඳහා 130,236 වාඩිවුනා.විශ්වවිද්‍යාල සඳහා සුදුසුකම් ලැබුවේ 46,010. නමුත් අපේ රටේ තියන පහසුකම් මත 20,270 ට පමණයි වරම් ලැබෙන්නේ කැම්පස් එකකට යන්න.

මේක කියවන කෙනෙක් හෝ තමන් දන්න අඳුනන කෙනෙක් හෝ ඉන්නවනම් උසස් පෙළ විභාගය අවසන් කර (ගණිත අංශයෙන්) ඊලඟට කුමක් කරන්නද කියා සිතමින් ඉන්න,වැදගත් වෙයි මේ ආරංචිය.(ප්‍රතිඵල නම් යම් දුරකට සතුටුදායක වියයුතුයි )

2009/2010 අධ්‍යයන වර්ෂය සඳහා උසස් ජාතික ඉංජිනේරු ඩිප්ලෝමා පාඨමාලාව (Higher Nationala Diploma in Enginnering - HNDE ) සඳහා සිසුන් බඳවාගැනීමට අදාල ගැසට් නිවේදනය 2009-07-03 දින පළකෙරුනා.

උසස් අධ්‍යාපන අමත්‍යාංශය යටතේ පාලනය වන උසස් ජාතික ඉංජිනේරු ඩිප්ලෝමා පාඨමාලාව ඉංග්‍රිසි මාධ්‍යයෙන් පැවැත්වෙන පූර්ණකලීන තුන් අවුරුදු න්‍යායික හා හය මාසික වැඩබිම් පුහුණුව ඇතුලත් පාඨමාලාවක් වන අතර සිවිල්,විදුලි හා යාන්ත්‍රික යන විශේෂිත ඉංජිනේරු ක්ශේත්‍රයන්ගෙන් සමන්විත වේ. උසස් ජාතික ඉංජිනේරු ඩිප්ලෝමා සහතිකය,ලන්ඩන් ඉංජිනේරු මණ්ඩලයේ CEI (ලන්ඩන්) විභාගයේ පළමු අදියරෙන් නිදහස් වීම සඳහා සුදුසුකමක් වන අතර එමගින් ශ්‍රී ලංකා ඉංජිනේරු ආයතනයේ ප්‍රථම විභාගයෙන් නිදහස් වීම සඳහා ද එය සුදුසුකමක් වනු ඇත.

මේ හැරුණු විට දකුණු ඕස්ට්‍රේලියානු විශ්වවිද්‍යාලයේ (University of South Australia) සිව් අවුරුදු ඉංජිනේරු පාඨමාලාව (B.Sc.) උසස් ජාතික ඉංජිනේරු ඩිප්ලෝමා සහතිකයේ සුදුසුකම් පහත දැක්වෙන පරිදි ඇගයීමට ලක්වී ඇත.

1. යාන්ත්‍රික ඉංජිනේරු ක්ශේත්‍රය සඳහා - වසර 2 ක නිදහස් කිරීමක් ද,

2. සිවිල් ඉංජිනේරු ක්ශේත්‍රය සඳහා - වසර 2 ක නිදහස් කිරීමක් ද,

3. විදුලි ඉංජිනේරු ක්ශේත්‍රය සඳහා - වසර 1 1/2 ක නිදහස් කිරීමක් ද සිදු කරයි.

මෙම පාඨමාලාවේ විෂය නිර්දේශ,භෞතික හා මානව සම්පත් ඔස්ට්‍රියා හා නෙදර්ලන්ත රාජ්‍යයන්ගේ අනුග්‍රහය යටතේ සංවර්ධනය වේ.

මීට අයදුම් කිරීම සඳහා අවශ්‍යය වන්නේ උසස් පෙළ ගණිත අංශයෙන් විෂයන් තුනක් සමත්වීම හා සාමාන්‍ය පෙළ ඉංග්‍රිසි විෂයට සාමාර්ථයක් ( S ) ලබා තිබීමයි.

මේ තියෙන්නේ ගැසට් නිවේදනය.